Новости

Топ 10 најпопуларни брендови на електрични автомобили во светот во 2025

Светот веќе живее во електрична мобилност. Производителите на автомобили масовно инвестираат во електрификација, а корисниците сè почесто ги избираат електричните возила заради пониските трошоци за одржување, еколошките предности и технолошката напредност.

Ви ги претставуваме 10-те најпопуларни светски брендови на електрични автомобили во 2025 година, подредени според влијание, глобална продажба и иновации:

10. Ford (САД)

Клучни модели: Mustang Mach-E, F-150 Lightning
Што ги издвојува:

  • Американскиот гигант влезе силно на ЕВ пазарот со Mach-E – електричен SUV со спортски дух.
  • F-150 Lightning, електричната верзија на најпродаваниот пик-ап во САД, го редефинира утилитарниот сегмент.
  • Ford вложува милијарди долари во нови ЕВ фабрики и батериски технологии.

9. Aуди (Германија)

Клучни модели: Q4 e-tron, Q8 e-tron, e-tron GT
Што ги издвојува:

  • Audi го проширува својот препознатлив луксузен дизајн и прецизна германска изработка во електричниот сегмент.
  • Q4 e-tron е компактен SUV со одличен баланс помеѓу цена, досег и технологија, наменет за урбани и семејни корисници.
  • До 2033 година, целта на Ауди е целосно да престанат со производство на мотори со внатрешно согорување и сите нови модели да бидат целосно електрични.

8. NIO (Кина)

Клучни модели: ES6, ET7, EL6
Што ги издвојува:

  • Прв бренд што комерцијално понуди батериска размена (battery swap) – менување на батеријата за 3 минути.
  • Голем фокус на автономно возење и AI системи.
  • Гради лојална заедница и “lifestyle” платформа за своите клиенти, нешто што малку производители го прават.

7. Mercedes-Benz (Германија)

Клучни модели: EQS, EQE, EQA, EQB
Што ги издвојува:

  • Електричната EQ серија нуди вистински луксуз и перформанси, со дизајн кој го комбинира класичното со футуристичкото.
  • EQS има досег до 780 km (WLTP) и вграден Hyperscreen – цела табла со дисплеи.
  • План за комплетна електрификација на флотата во следната декада.

6. Kia (Јужна Кореја)

Клучни модели: EV6, EV9
Што ги издвојува:

  • EV3 и EV6 освоија титулли „Светски автомобил на годината“ во изминатите години и продолжуваат да импресионираат.
  • EV9 е електричен SUV со 3 реда седишта – совршен за семејства.
  • Ефикасни батерии, 800V архитектура за ултра-брзо полнење, и дизајн што се издвојува од конкуренцијата.

5. Hyundai (Јужна Кореја)

Клучни модели: IONIQ 5, IONIQ 6, Kona Electric
Што ги издвојува:

  • IONIQ серијата користи E-GMP платформа со висока ефикасност и брзо полнење (до 350 kW).
  • IONIQ 6 нуди аеродинамичен дизајн и досег над 600 km.
  • Hyundai е лидер во достапни ЕВ модели со одличен однос цена-перформанси.

4. BMW (Германија)

Клучни модели: i4, iX, i7, iX1
Што ги издвојува:

  • Комбинација на спортска динамика и елеганција – BMW не прави компромиси ни кај електричните модели.
  • i4 е електричен Gran Coupe со перформанси слични на M3.
  • iX и i7 покажуваат дека луксузот и електрификацијата одат рака под рака.
  • До 2030 година, BMW планира повеќе од 50% од глобалната продажба да биде сочинета од електрични автомобили.

3. Volkswagen (Германија)

Клучни модели: ID.3, ID.4, ID. Buzz, ID.7
Што ги издвојува:

  • VW ја започна „ID“ револуцијата – целосно нова генерација на електрични возила.
  • ID. Buzz ја враќа легендата на Kombi во електрична форма – со модерен ретро изглед.
  • Масовно инвестира во батериски фабрики и софтверски решенија.
  • Цел: Електричните автомобили да бидат достапни за сите.

2. Tesla (САД)

Клучни модели: Model 3, Model Y, Model S, Cybertruck
Што ги издвојува:

  • Tesla ја револуционизираше индустријата – не само со автомобилите, туку и со целиот екосистем (софтвер, мрежа на полначи, OTA ажурирања).
  • Model Y беше најпродаван автомобил во светот (не само меѓу ЕВ!) во 2023 и 2024.
  • Постојано воведуваат иновации – од целосно автономен систем за управување до ефикасни батерии.
  • Масовно го поттикнаа преминот кон електрични возила низ целиот свет.

1. BYD (Кина)

Клучни модели: Dolphin, Atto 3, Seal, Sealion 7
Што ги издвојува:

  • Можеби за некого ќе биде изненадување, но во 2024 и почетокот на 2025 година, BYD ја надмина Tesla по број на продадени електрични автомобили.
  • Самостојно развива батерии („Blade Battery“) со висока безбедност и долг век на траење.
  • Моделите нудат добра опременост по многу конкурентни цени.
  • Се шири агресивно на европскиот пазар – вклучувајќи ги и земјите од Балканот.

Кој бренд е вистинскиот за вас?

Изборот на електрични автомобили денес е поголем од кога било. Без разлика дали сакате достапен градски модел, луксузен електричен седан или моќен семеен SUV, овие брендови нудат одлични опции со напредна технологија и еколошка визија.

Вреди да се спомнат и брендови како Renault, Skoda, Porsche, Lucid Motors, Rivian, Polestar, MG, XPeng, Zeekr и Volvo. Дел од нив се помали по обем на производствто, но сите овие брендови исто така се издвојуваат со иновации, дизајн и технолошка напредност.